Siddhi Hande
मकरसंक्रांत म्हटल्यावर प्रत्येक मराठी घरात पुरणपोळी ही बनतेच. पुरणपोळी आणि कटाची आमटी हा जेवणाचा बेत बेस्ट असतो.
पुरणपोळी तर आपण बनवतो. परंतु त्याचसोबत झणझणीत कटाची आमटी कशी बनवायची हे जाणून घ्या.
पुरणपोळीसाठी शिजवलेली २ कप डाळ, सुकं खोबरं, कांदा, जिरं, तेल, मोहरी, कढीपत्ता, हिरवी मिरची, लाल-तिखट, हळद, गरम मसाला, धने-जिरं पावडर, कोथिंबीर
आपण पुरणपोळी बनवण्यासाठी जी डाळ शिजवतो ना त्यातलीच दोन कप बाजूला काढून ठेवा. याचसोबत डाळीचे उरलेले पाणी बाजूला काढून ठेवा.
सर्वात आधी तर खोबऱ्याचं वाटण बनवून घ्या. यासाठी सुकं खोबरं आणि जिरे मस्त खरपूस भाजून घ्या. हे मिक्सरमध्ये वाटा. त्यात थोडं पाणी टाका.
यानंतर कढईत तेल घ्या. त्यात मोहरी, हिंग, कढीपत्ता टाकून फोडणी द्या.
या फोडणीत हळद, तिखट, लाल तिखट, धने-जिरे पावडर, घरचा स्पेशल मसाला टाकून एक मिनिटभर परतवून घ्या.
यानंतर यात वाटण टाका. ते मस्त मिक्स करुन घ्या. यानंतर पुरणपोळीची डाळ आणि त्याचे कटाचे पाणी घाला.
यानंतर आमटीला छान उकळी येऊ द्या. आमटीला तर्री येऊन द्यायची असेल तर त्यात गरम पाणी टाका. थंड पाणी टाकू नका.
यानंतर आमटीला छान उकळू द्या. आमटी उकळल्यानंतर कोथिंबीर टाकून सर्व्ह करा.