Sakshi Sunil Jadhav
तुम्हाला झटपट आणि काही हेल्दी खायचं असेल तर सॅंडविच हा नाश्ता, टिफिन किंवा संध्याकाळी स्नॅक्ससाठी बेस्ट पर्याय ठरतो.
ब्रेड स्लाइस, काकडी, बटर, हिरवी चटणी, चीज स्लाइस, काळी मिरी पावडर, मीठ, टोमॅटो स्लाइस, कांदा स्लाइस, चाट मसाला इ.
सर्वप्रथम काकडी, टोमॅटो आणि कांदा स्वच्छ धुवून बारीक स्लाइसमध्ये कापा. ब्रेडच्या प्रत्येक स्लाइसवर समान प्रमाणात बटर लावा.
बटर लावल्यानंतर त्यावर हिरवी चटणी व्यवस्थित पसरवा.
एका ब्रेड स्लाइसवर काकडीचे स्लाइस नीट लावा.
त्यावर टोमॅटो आणि कांद्याचे स्लाइस ठेवा. चवीनुसार मीठ, काळी मिरी पावडर आणि चाट मसाला भुरभुरा.
आवडत असल्यास चीज स्लाइस ठेवून सॅंडविच अधिक चविष्ट बनवा.
दुसरी ब्रेड स्लाइस वरून ठेवून हलक्या हाताने दाबा.
सॅंडविच त्रिकोणी किंवा चौकोनी आकारात कापून टोमॅटो सॉस किंवा हिरव्या चटणीसोबत ताजं सर्व्ह करा.