ब्युरो रिपोर्ट, साम टीव्ही, मुंबई
पंचामृत हे पूजा आणि सणांमध्ये नैवैद्य म्हणून वापरले जाते. तसेच प्रसाद म्हणून पंचामृताचे सेवन केले जाते. पंचामृत हे पाच अमृतांपासून बनवलेले असते.
जर तुम्ही पंचामृत प्रसाद बनवण्याचा विचार करत असाल तर या सोप्या पध्दतीने तुम्ही स्वादिष्ट प्रसाद बनवू शकता.
दूध, दही, तूप, ड्राय फ्रुट्स, मखाना , तुळशीची पाने, पाणी, साखर आणि मध इ. साहित्य लागते.
सर्वात आधी दही फेटून घ्या. दह्याला थोड पातळ करा जर दही जास्तच जाड असेल तर त्यात थोडे पाणी टाकून मिक्स करा.
दह्यातच तुम्हाला थोडे दूध आणि तूप मिक्स करायचे आहे. असे केल्यास दही पातळ होते आणि टेस्टसुद्धा चांगली लागते.
आता ड्राय फ्रुट्सचे छोटे तुकडे करुन घ्या. मखाना, काजू, बदाम, पिस्ता आणि मनुके याचे तुकडे करुन घ्या.
सगळ्या ड्राय फ्रुट्सला आता दह्यात टाकून चमच्याने चांगले मिक्स करुन घ्या.
चवीनुसार साखर दह्यात मिक्स करा आणि २ चमचे मध टाका. याने चव चांगली लागते.
तुळशीची पाने स्वच्छ धुवून प्रसादामध्ये टाका. मग तुमचे पंचामृत बनवून तयार होईल.