Sakshi Sunil Jadhav
घरी काहीतरी गोड बनवायचं असेल आणि रोजचा शिरा खाऊन वैतागळा असाल तर ही रेसिपी खूप भन्नाट आहे.
1 कप गहू, 1 लिटर दूध, 1 कप साखर किंवा गूळ, 2 चमचे तूप, 8 ते 10 बदाम, 8 ते 10 काजू, 5 ते 6 पिस्ते, 4 ते 5 वेलची, केशर थोडे मनुके आणि ओल्या खोबऱ्याचा कीस इ.
सर्वप्रथम गहू स्वच्छ धुवून रात्रभर पाण्यात भिजत ठेवा. त्यामुळे गहू मऊ होतो आणि खीर बनवताना सहज शिजतो.
भिजवलेला गहू पाणी काढून मिक्सरमध्ये जाडसर वाटून घ्या. पूर्ण बारीक पेस्ट करू नये.
कढईमध्ये तूप गरम करून वाटलेले गहू हलका सोनेरी रंग येईपर्यंत भाजून घ्या. यामुळे खिरीला छान सुगंध येतो.
भाजलेल्या गव्हामध्ये गरम दूध घाला आणि मंद आचेवर सतत हलवत शिजू द्या. गहू पूर्ण मऊ होईपर्यंत शिजवणे आवश्यक आहे.
गहू व्यवस्थित शिजल्यानंतर साखर किंवा गूळ घालावा. गूळ वापरत असल्यास दूध फाटणार नाही याची काळजी घ्या.
काजू, बदाम, पिस्ते, खोबरं आणि मनुके तुपात हलके भाजून खिरीमध्ये घाला. यामुळे खिरीची चव वाढते.
शेवटी वेलची पावडर आणि केशर घालून खीर 2 मिनिटं उकळा. यामुळे पारंपारिक स्वाद जास्त खुलतो. गव्हाची खीर गरम किंवा फ्रिजमध्ये थंड करून दोन्ही प्रकारे खाऊ शकता.