Manasvi Choudhary
नाश्त्याला अनेक चटपटीत पदार्थासोबत ओल्या नारळाची चटणी देतात. खास साऊथ इंडियन पदार्थासोबत ओल्या नारळाची चटणीचा आस्वाद घेतला जातो.
ओल्या नारळाची चटणी घरी बनवण्याची रेसिपी अत्यंत सोपी आहे. तुम्ही घरीच अगदी सोप्या पद्धतीने नारळाची हिरवी चटणी तयार करू शकता.
ओल्या नारळाची चटणी बनवण्यासाठी ओला नारळ, हिरवी मिरची, आले, कोथिंबीर, लिंबाचा रस, मीठ, तेल, मोहरी, हिंग, कढीपत्ता, लाल मिरची हे साहित्य घ्या.
सर्वात आधी ओल्या नारळाची चटणी बनवण्यासाठी ओले नारळ सोलून किसून घ्या. मिक्सरच्या भाड्यात किसलेले ओले नारळ, हिरवी मिरची, आले, कोथिंबीर, थोडेसे मीठ आणि लिंबाचा रस हे एकत्र वाटून घ्या.
मिक्सरमध्ये मिश्रण बारीक करा त्यात थोडेसे पाणी देखील घाला मिश्रण जास्त पातळ होणार नाही याची काळजी घ्या.
अशाप्रकारे एका प्लेटमध्ये नंतर ही पेस्ट काढून ठेवा. गॅसवर कढईमध्ये गरम तेलामध्ये मोहरी, हिंग, सुकी लाल मिरची आणि कढीपत्ता याची फोडणी द्या.
फोडणी दिल्यानंतर ही चटणी चांगली परतून घ्या संपूर्ण मिश्रण एकजीव करा . अशाप्रकारे तुमची ओल्या नारळाची चटणी तयार आहे.