Manasvi Choudhary
भारतात भेंडीची भाजी लोकप्रिय आहे. प्रत्येक घराघरांत ही भाजी बनवली जाते. कुरकुरीत भेंडीपासून ते मसाला भेंडी असे भेंडीच्या भाजीचे अनेक प्रकार बनवले जातात.
भेंडीची भाजी घरी बनवण्याची रेसिप अत्यंत सोपी आहे तुम्ही घरीच झटपट बनवू शकता.
भेंडीची भाजी बनवण्यासाठी भेंडी, कांदा, टोमॅटो, हिरवी मिरची, आलं- लसूण पेस्ट, हळद, लाल मिरची पावडर, मीठ, तेल हे साहित्य एकत्र करा.
भाजी बनवण्यासाठी सर्वातआधी भेंडी स्वच्छ धुवून घ्या कोरडी करा. नंतर कोरड्या झालेल्या भेंडी गोल आकारात बारीक कापून घ्या.
गॅसवर पॅनमध्ये गरम तेलामध्ये कापलेली भेटी मध्यम आचेवर फ्राय करून घ्या. यामुळे भेंडी चिकट राहणार नाही. परतून घेतलेली भेंडी एका प्लेटमध्ये काढा. गॅसवर कढईमध्ये गरम तेलामध्ये बारीक चिरलेला कांदा मिक्स करा.
सर्व मिश्रण परतून घ्या नंर त्यात आलं - लसूण पेस्ट, हिरवी मिरची आणि मसाले परतून घ्या.
मिश्रणात बारीक कापलेला टोमॅटो मिक्स करा. अशाप्रकारे तुमची भेंडी स्पेशल ग्रेव्ही तयार होईल. मिश्रणात चवीनुसार मीठ घाला.
या मिश्रणात फ्राय केलेली भेंडी मिक्स करा. झाकण ठेवून भेंडीची भाजी वाफवून घ्या अशाप्रकारे घरच्या घरी सोप्या पद्धतीने भेंडीच्या भाजीची चविष्ट रेसिपी तयार होईल.