Sakshi Sunil Jadhav
संध्याकाळी चहा किंवा कॉफीसोबत खुसखुशीत स्नॅक खायची इच्छा होते. अशावेळी बाजारातील पदार्थांऐवजी घरच्या घरी झटपट ब्रेडक्रम्ब्सशिवाय ऑनियन रिंग्स तयार करता येतात.
2 मोठे कांदे, 1 कप बेसन, 2 चमचे तांदळाचे पीठ, 1/2 चमचा लाल तिखट, 1/4 चमचा हळद, चवीनुसार मीठ, चिमूटभर बेकिंग सोडा, पाणी, तळण्यासाठी तेल इ.
कांदे सोलून जाडसर गोल चकत्या करा. प्रत्येक चकती अलगद वेगळी करून रिंग्स तयार ठेवा.
एका भांड्यात बेसन, तांदळाचे पीठ, तिखट, हळद, मीठ आणि बेकिंग सोडा घालून मिसळा. त्यात थोडं थोडं पाणी घालत गाठी नसलेलं मध्यम पातळ पीठ तयार करा.
तांदळाचे पीठ घातल्यामुळे ब्रेडक्रम्ब्सशिवायही रिंग्स जास्त खुसखुशीत होतात.
कढईत तेल मध्यम आचेवर गरम करा. तेल पुरेसं तापलं आहे का हे पाहण्यासाठी थोडं पीठ टाकून तपासा.
प्रत्येक कांद्याची रिंग पीठात पूर्णपणे बुडवून घ्या, जेणेकरून सर्व बाजूंनी कोटिंग होईल.
गरम तेलात 4 ते 5 रिंग्स सावकाश सोडा. मध्यम आचेवर सोनेरी रंग येईपर्यंत तळा.
तळलेले अनियन रिंग्स टिश्यू पेपरवर काढा, त्यामुळे जास्तीचं तेल निघून जाईल. गरमागरम ऑनियन रिंग्स टोमॅटो सॉस किंवा पुदिन्याच्या चटणीसोबत सर्व्ह करा.