Manasvi Choudhary
संध्याकाळी चहासोबत कुरकुरीत पकोडे खायला लहानांपासून ते मोठ्यापर्यंत सर्वांना आवडतात. चटपटीत पकोडे रेसिपी तुम्ही घरी देखील ट्राय करू शकता.
कोबीची भाजी खायला अनेकांना आवडत नाही अशावेली कुरकुरी कोबी पकोडा तुम्ही नक्की ट्राय करू शकता. कोबी पकोडे बनवण्यासाठी अत्यंत सोपी पद्धत आहे. कसे बनवायचे जाणून घ्या.
कोबी पकोडे बनवण्यासाठी चणा डाळ, कोबी, जिरा पावडर, मिरची पावडर, गरम मसाला, खाण्याचा सोडा, मीठ आणि तेल हे साहित्य एकत्र करा.
सर्वप्रथम कोबी स्वच्छ धुवून बारीक चिरून घ्या. नंतर एका भांड्यात मसाले मिक्स करा. एका भांड्यात चण्याचे पीठ, हळद, लाल मसाला, जिरा पावडर, गरम मसाला आणि खाण्याचा सोडा मिक्स करा.
नंतर या संपूर्ण मिश्रणात बारीक चिरलेली कोबी मिक्स करा आणि मीठ घाला. मिश्रणात अंदाजेनुसार पाणी मिक्स करा आणि मिश्रण एकत्र करा.
गॅसवर कढईमध्ये गरम तेलामध्ये मिश्रणाचे छोटे छोटे गोळे सोडा आणि दोन्ही बाजूने खरपूस तळून घ्या. कोबी पकोडे सोनेरी होईपर्यत चांगली तळून घ्या. अशाप्रकारे सर्व्हसाठी कोबी पकोडे तयार होतील.