Manasvi Choudhary
भेंडीची भाजी सर्वांनाच आवडते. हिरव्या मिरचीतली भेंडी, कुरकुरीत भेंडी, तेल कांद्यावरची भेंडी असे भेंडीचे विविध पदार्थ बनवले जातात.
मात्र तुम्ही कधी भेंडीची भजी खाल्ली आहेत का? भेंडीची भजी बनवण्याची रेसिपी अत्यंत सोपी आहे.
भेंडीची भजी बनवण्यासाठी भेंडी, बेसन, रवा, कॉर्न फ्लोअर, लसूण, आलं, मसाला, चाट मसाला, हिंग, मीठ हे साहित्य घ्या.
सर्वातपहिले भजी बनवण्यासाठी भेंडी स्वच्छ धुवून घ्या आणि चांगली कोरडी करा.
त्यानंतर भेंडी उभ्या आकारात कापून घ्या.
नंतर एका भांड्यामध्ये बेसन, रवा, कॉर्न फ्लोअर, मसाला, चाट मसाला, हिंग, लसूण,मिरची पेस्ट, आणि चवीनुसार मीठ हे सर्व साहित्य मिक्स करा.
नंतर मिश्रणात थोडे पाणी मिक्स करा. मिश्रण जास्त घट्ट किंवा पातळ होणार नाही याची काळजी घ्या. मिश्रण पातळ झाले तर त्यात चण्याचे पीठ मिक्स करा.
नंतर कापलेली भेंडी तयार केलेल्या मिश्रणात चांगली मिक्स करून घ्या
नंतर कढईमध्ये गरम तेलामध्ये भेंडीचे काप सोडा आणि चांगले दोन्ही बाजूंनी फ्राय करा. घरच्या घरी कुरकुरीत भेंडी तयार होतील.