Alisha Khedekar
दोन पिकलेले गोड आंबे निवडा, स्वच्छ धुवून साल काढा आणि छोटे तुकडे करा. यामुळे ब्लेंडिंग सोपे होते.
मिक्सरमध्ये आंब्याचे तुकडे, दीड कप दूध आणि अर्धा कप साखर घालून एकसारखी गुळगुळीत प्युरी तयार करा. हीच पुडिंगची बेस तयार होईल.
एका छोट्या वाटीत पाच चमचे कॉर्न फ्लोअर आणि चार चमचे दूध घालून नीट ढवळा. गुठळ्या राहणार नाहीत याची विशेष काळजी घ्या.
तयार मँगो प्युरी कढईत काढून मध्यम आचेवर गरम करा. सतत हलवत ठेवा, त्यामुळे मिश्रण खाली लागणार नाही आणि चव छान टिकून राहते.
प्युरीला हलकी उकळी आली की, तयार केलेले कॉर्न फ्लोअरचे मिश्रण हळूहळू घाला आणि लगेच ढवळायला सुरुवात करा, गुठळ्या होऊ देऊ नका.
मध्यम आचेवर सतत ढवळत राहा. काही मिनिटांत मिश्रण घट्ट होत जाईल आणि पुडिंगसारखी मऊ, क्रीमी टेक्स्चर तयार होईल.
मिश्रण योग्य घट्ट झाल्यावर गॅस बंद करा. त्यात चार ते पाच थेंब लिंबाचा रस घालून नीट मिक्स करा, यामुळे चव अधिक ताजी लागते.
तयार गरम मिश्रण एका बाऊलमध्ये काढा आणि थोडं कोमट होऊ द्या. लगेच फ्रीजमध्ये ठेवू नका, नाहीतर टेक्स्चरवर परिणाम होऊ शकतो.
बाऊल फ्रीजमध्ये किमान एक तास ठेवा. या वेळेत पुडिंग व्यवस्थित सेट होईल आणि छान घट्ट, स्मूथ टेक्स्चर मिळेल.
सेट झाल्यावर पुडिंग बाहेर काढा, इच्छेनुसार ड्रायफ्रूट्सने सजवा आणि थंडगार सर्व्ह करा. उन्हाळ्यातील हा हलका, स्वादिष्ट आणि हेल्दी डेझर्ट सर्वांना आवडेल.
Next : उन्हाळ्यात प्या थंडगार मँगो लस्सी; ५ मिनिटात होईल तयार, रेसिपी वाचा