Surabhi Jayashree Jagdish
काळ्या गाजराचा हलवा ही हिवाळ्यातील खास गोड पदार्थ आहे. सामान्य गाजराचा हलवा तुम्ही खाल्ला असेलच. पण काळ्या गाजराचा स्वाद वेगळा आणि खास असतो.
सर्वप्रथम काळ्या गाजरांना नीट धुवा आणि सोलून घ्या. नंतर त्यांना बारीक किसून तयार ठेवा. ही पायरी हलव्याच्या बेससाठी महत्त्वाची आहे.
एका कढईत तूप गरम करा. त्यात किसलेली गाजरं घाला आणि हलक्या आचेवर परता. गाजरं मऊ होऊन रंग गडद होईपर्यंत परतत राहा.
गाजरं परतल्यावर त्यात दूध घाला. दूध गाजरात व्यवस्थित मिसळेपर्यंत शिजवा. यामुळे हलव्याला मऊसर पोत मिळतो.
दूध आटायला लागल्यावर त्यात साखर किंवा गूळ घाला. यानंतर त्यात वेलदोड्याची पूड आणि चिरलेला सुकेमेवा घाला. यामुळे हलव्याला गोडवा आणि सुगंध मिळतो.
हलवा सतत ढवळत शिजवत राहा. तोपर्यंत शिजवा जोपर्यंत तूप वेगळं होऊ लागेल. ही खूण हलवा तयार झाल्याची असते.
तयार झालेला काळा गाजराचा हलवा गरमागरम सर्व्ह करा. हिवाळ्यात हा हलवा शरीराला उबदार ठेवतो. त्याचा स्वाद आणि पौष्टिकता दोन्ही अप्रतिम असतात.