Manasvi Choudhary
सांबार म्हटलं की नजरेसमोर इडली, डोसा, मेदूवडा हे चित्र येतच. साऊथ इंडियन हा प्रसिद्ध पदार्थ आता सगळीकडे लोकप्रिय झालाय.
घराघरांत साऊथ इंडियन इडली, मेदूवडा हे पदार्थ महिला बनवतात. मात्र साऊथ इंडियन स्टाईल सांबार आणि चटणीशिवाय खायला मज्जाच येत नाही.
साऊथ इंडियन स्टाईल सांबर घरी बनवण्याची रेसिपी देखील सोपी आहे. सांबार बनवण्यासाठी तूर डाळ, टोमॅटो, कांदा, शेवग्याची शेंग, कढीपत्ता, चिंच, हळद, मोहरी, मसाला, सांबर मसाला, लाल मिरची, मीठ हे साहित्य एकत्र करा.
सर्वात सांबर बनवण्यासाठी एका डिशमध्ये चिंच पाण्यात भिजत घाला. गॅसवर कुकरमध्ये तूर डाळ स्वच्छ धुवून उकडून घ्या. यामध्ये तुम्हा बारीक चिरलेला टोमॅटो, शेवग्याच्या शेंगा देखील घालू शकता.
मिश्रणात थोडेसे पाणी, बारीक चिरलेल्या भाज्या आणि चिंचाचे पाणी घाला. चवीनुसार मीठ घालून कुकरचे झाकण बंद करा. ३ ते ४ शिट्ट्या झाल्यानंतर कुकर बंद करा. कुकर थंड झाल्यानंतर एका पातेल्यात मिश्रण काढा.
गॅसवर एका भांड्यात डाळीला फोडण्यासाठी तेल गरम करा नंतर त्यात मोहरी, हिंग आण कढीपत्ता मिक्स करा.
नंतर यात उकडलेले मिश्रण मिक्स करून सांबार तयार करा अशाप्रकारे घरच्या घरी सांबार तयार होईल.