Manasvi Choudhary
अनेकांना रोजच्या जेवणात कडधान्य खायल आवडतात. मोड आलेल्या कडधान्य चविष्ट लागतात. तुम्ही या कडधान्याची रस्सा व सुकी भाजी देखील बनवू शकता.
हिरव्या वटाण्याची वाटण टाकून केलेली भाजी चविष्ट लागते. तुम्ही देखील घरी ती अगदी सोप्या पद्धतीने बनवू शकता.
हिरव्या वटाण्याची भाजी प्रत्येकांची बनवण्याची पद्धत वेगवेगळी असते. काहींना रस्सा भाजी आवडते तर काहीजण सुखी भाजी देखील बनवतात.
हिरव्या वटाणाची सुकी भाजी बनवण्यासाठी हिरवे वटाणे, तेल, मोहरी, जिरे, कढीपत्ता, कांदा, टोमॅटो, आले- लसूण पेस्ट, हळद, मसाला, धना पावडर, मीठ, ओले खोबरे, हिरवी मिरची, कोथिंबीर हे साहित्य घ्या.
सर्वातआधी भाजीसाठी वाटण तयार करा. मिक्सरमध्ये ओला नारळ, हिरवी मिरची, आले- लसूण, कोथिंबीर एकत्र वाटून घ्या. पाणी न टाकता संपूर्ण मिश्रणाची बारीक पेस्ट करा.
सर्वप्रथम एका कढईत गरम तेलामध्ये मोहरी आणि जिरे फोडणीसाठी घाला नंतर त्यात कढीपत्ता मिक्स करा.
बारीक चिरलेला कांदा फोडणीमध्ये घाला सोनेरी रंग येईपर्यत चांगला परतून घ्या. या मिश्रणात आले- लसूण पेस्ट मिक्स करा. टोमॅटो घालून मिश्रण शिजवून घ्या.
मिश्रणात तयार केलेले भाजीचे वाटण टाका नंतर त्यात हळद, मसाला, धनापावडर हे मसाले घालून चांगले मिक्स करा. कढईमध्ये वटाणे आणि चवीनुसार मीठ घाला.
भाजी चांगली शिजवण्यासाठी त्यावर झाकण घाला, भाजी शिजण्यासाठी त्यात थोडेसे पाणी घाला आणि संपूर्ण मिश्रण परतून घ्या.
भाजीला चांगली उकळी आल्यानंतर भाजीवरील झाकण काढून वटाणे चांगले शिजले आहेत का हे तपासून घ्या अशा पद्धतीने तुमची वटाणा झणझणीत भाजी तयार होईल.