ब्युरो रिपोर्ट, साम टीव्ही, मुंबई
टोमॅटो पटकन मऊ पडतात आणि पाणीही सुटतं? तर या सोप्या स्टोरेज ट्रिक्स वापरा याने टोमॅटो १० ते १२ दिवस टणक, ताजे आणि टिकाऊ राहतील.
थोडे टणक, बारीक डाग नसलेले, न चिरलेले टोमॅटो खरेदी करा. पिकायला आलेले किंवा जास्त पिकलेले टोमॅटो पटकन मऊ होतात आणि इतर टोमॅटोही खराब करतात.
टोमॅटो धुतले की त्यांचे बाहेरील कवच ओलसर होते. हा ओलसरपणा जास्त दिवस राहिल्यास टोमॅटो लवकर मऊ पडतात आणि कुजतात, म्हणून टोमॅटो साठवताना कधीही धुवू नका वापरायच्या वेळीच धुवा.
प्रत्येक टोमॅटोला पेपर नॅपकिनमध्ये गुंडाळून ठेवा. नॅपकिनमध्ये गुंडाळून ठेवल्याने टोमॅटोतील अतिरिक्त ओलावा पेपर शोषून घेतो एक टोमॅटो खराब झाला तरी इतरांपर्यंत त्याचा परिणाम पोहोचत नाही याने टोमॅटो जास्त दिवस ताजे राहतात.
बंद डब्यांमध्ये ओलावा तयार होतो आणि टोमॅटो मऊ पडतात. त्याऐवजी छिद्रे असलेला, हवा खेळती ठेवणारा डबा किंवा बास्केट वापरा. याने टोमॅटो टणक आणि फ्रेश राहतात.
सर्व टोमॅटो फ्रिजमध्ये ठेवणे चुकीचे आहे. फक्त अगदी पिकलेले किंवा जास्त मऊ होऊ घातलेले टोमॅटो फ्रिजमध्ये ठेवा.
कापलेले टोमॅटो लवकर पाण्यासारखे होतात. टोमॅटो एअरटाइट डब्यात ठेवा आणि वर एक टिश्यू पेपर ठेवा. तो अतिरिक्त ओलावा शोषून घेतो आणि चवही बदलत नाही.
कांदा आणि टोमॅटो एकत्र ठेवल्यास ते लवकर पिकतात व मऊ पडतात म्हणून कांदा टोमॅटो दोन्ही वेगळे ठेवा.