Manasvi Choudhary
आजकालच्या डिजिटल युगात बँकेच्या लांब रांगेत उभे राहण्याची गरज आता जवळपास संपली आहे. युपीआय अ‍ॅप्स आणि नेट बँकिंगमुळे पैसे ट्रान्सफर करणे, मोबाईल नंबर जोडणे, पत्ता बदलणे किंवा चेकबुक मागवणे ही कामे ऑनलाईनच घरबसल्या करू शकता.
परंतु, याच डिजिटल सुविधेचा गैरफायदा घेऊन सायबर गुन्हेगार खऱ्या बँकेसारख्या हुबेहूब फेक वेबसाईट्स तयार करतात. जेव्हा आपण गुगलवर बँकेची माहिती शोधतो, तेव्हा अनेकदा या बनावट साईट्सच्या जाळ्यात अडकण्याची शक्यता असते.
यासाठी खरी आणि खोटी बँक वेबसाईट कशी ओळखायची? ते या वेबस्टोरीतून जाणून घ्या.
कोणत्याही अधिकृत आणि सुरक्षित बँक वेबसाईटच्या सुरूवातीला https:// असे दिलेले असते (येथे 's' चा अर्थ Secure असा होतो). तसेच अ‍ॅड्रेस बारमध्ये कुलपाचे (Padlock) चिन्ह असते. जर वेबसाईटची सुरुवात फक्त http:// अशी असेल, तर ती वेबसाईट फेक असू शकते.
सायबर ठग खऱ्या बँकेच्या नावासारखेच थोडेफार बदल करून (उदा. स्पेलिंगमध्ये बदल करून) बनावट डोमेन तयार करतात. वेबसाईटचे नाव काळजीपूर्वक वाचा, कारण त्यात अक्षरांची फेरफार केलेली असू शकते.
फसवणूक रोखण्यासाठी रिझर्व्ह बँकेने सर्व बँकांना .bank.in हे विशेष डोमेन वापरण्याचे निर्देश दिले आहेत. हे डोमेन अत्यंत सुरक्षित असते आणि कोणतीही सामान्य व्यक्ती किंवा फसवणूक करणारी व्यक्ती सहजासहजी मिळवू शकत नाही. तुमच्या बँकेचे डोमेन अधिकृत असल्याची खात्री करा.
सोशल मीडिया, मेसेज किंवा ईमेलवर आलेली कोणतीही संशयास्पद लिंक उघडून तुमची युजर आयडी, पासवर्ड किंवा पिन टाकणे टाळा. बँक कधीही फोन किंवा मेसेजवर पासवर्ड विचारत नाही.