Sakshi Sunil Jadhav
आजकाल स्मार्टफोन आपल्या दैनंदिन जीवनाचा महत्त्वाचा भाग झाला आहे. पण चुकीचा चार्जर वापरल्यास मोबाईलचे नुकसान, बॅटरी फुगते, शॉर्ट सर्किट किंवा अगदी आग लागण्याचा धोका असतो. त्यामुळे खरा आणि बनावट चार्जर कसा ओळखायचा हे जाणून घेणं खूप महत्वाचं आहे.
मार्केटमध्ये स्वस्त दरात मिळणारे चार्जर बहुतेकदा डुप्लिकेट असतात आणि त्यांची गुणवत्ता घातक असू शकते. पुढे दिल्या आहेत ७ सोप्या ट्रिक्स, वापरून तुम्ही सहजपणे ओरिजिनल आणि फेक चार्जरमध्ये फरक ओळखू शकता.
ओरिजिनल चार्जरचे पॅकिंग नेहमी मजबूत, नीट सील केलेले आणि ब्रँड लोगो स्पष्ट असतो. बनावट चार्जरचे पॅकिंग स्वस्त दिसते आणि स्पेलिंगमध्ये चुका असतात.
खऱ्या चार्जरची वायर लवचिक, मजबूत असते. फेक चार्जरमध्ये प्लास्टिक खूप पातळ, टोकदार किंवा कडक असू शकते.
डुप्लिकेट चार्जरवर लोगो हलकासा, धूसर किंवा वाकडा दिसतो. ओरिजिनलवर क्लियर, एम्बॉस्ड आणि अचूक लोगो असतो.
ओरिजिनल चार्जर जड आणि मजबूत असतो कारण त्यात क्वालिटी सर्किट वापरले जाते. फेक चार्जर हलका आणि आतून पोकळ वाटतो.
बनावट चार्जरवर आउटपुट स्पेसिफिकेशन चुकीचे किंवा धूसर प्रिंटमध्ये असते. तुमच्या फोनच्या कंपनीने दिलेल्या स्पेसिफिकेशन्सशी तुलना करा.
ओरिजिनल चार्जर फोन फास्ट आणि सलग चार्ज करतो. फेक चार्जर खूप स्लो चार्जिंग करतो किंवा कधी कधी चार्जिंग कट होते.
फेक चार्जर पटकन गरम होतात. ओरिजिनल चार्जर लांब वापरूनही कमी गरम होतात. चार्ज लावताना स्पार्क, कटकट आवाज किंवा जळका वास येत असल्यास चार्जर नकली किंवा खराब असल्याची शक्यता जास्त आहे.