Manasvi Choudhary
पावसाळा हा सर्वांच्या आवडीचा ऋतू आहे. पावासाळ्यात पावसात भिजायला सर्वांनाच आवडते. मात्र पावसाळ्यात सर्वात मोठी अडचण येते ती ओले कपडे.
पावसाळ्यात सततचा पाऊस, सूर्यप्रकाशाचा अभाव आणि दमट हवामानामुळे कपडे वेळेवर न सुकण्याचा त्रास असतो.
अनेक महिला पावसाळ्यात घरातच कपडे सुकतात. मात्र कपडे जास्त वेळ ओले राहिले तर त्यात बुरशी, जीवाणू होण्याचा धोका अधिक वाढतो.अशावेळी कपडे वेळेवर सुकण्यासाठी तुम्ही योग्य घरगुती उपाय करणे महत्वाचे आहे.
हवेत आर्द्रता असल्यास कपडे सुकायला वेळ लागते अशावेळी तुम्ही घरात हीह्युमिडिफायर असल्यास त्याचा वापर करा.
घरात कपडे वाळत घालताना फॅन सुरू ठेवा. कपडे सुकत घालताना पंख्याखाली घाला यामुळे कपडे लवकर सुकतील.
एकाच जागी कपड्यांचा ढीग करू नका. कपडे व्यवस्थित वेगवेगळे सुकत घाला. एकमेकांना चिकटून कपडे सुकत घातले तर हवा कपड्यांना व्यवस्थित लागत नाही.
घरामध्ये कपडे खिडकीजवळ, गॅलरीमध्ये सुकत घाला. जेथे हवा खेळती राहते अश्या ठिकाणी कपडे सुकत घाला म्हणजे कपड्यांना कुबट वास येणार नाही.
जाड ब्लॅकेट, चादरी सुकण्यासाठी अधिक वेळ लागतो. अशावेळी पावसाचा अंदाज घेऊन तु्म्ही कपडे धुण्याचे नियोजन करा.
शर्ट, टी- शर्ट, कुर्ते किंवा ड्रेस हँगरवर टांगून सुकायला लावल्यास फायदा होईल. कपडे लवकर सुकतात.