Manasvi Choudhary
कामाच्या ठिकाणी एकाच जागी दिवस दिवसभर बसून राहिल्याने पाठीचा त्रास उद्भवतो अनेकांची पाठ दुखते.
यासाठी तुम्ही घरच्या घरी पाठीचा मसाज करू शकता पाठीचा मसाज करण्याची सोपी पद्धत आज आम्ही तुम्हाला सांगणार आहोत.
मसाज करण्यासाठी सर्वात आधी तुम्ही खोबरेल किंवा मोहरीचे तेल कोमट करून घ्या. तुम्ही या तेलामध्ये लसूण देखील मिक्स करू शकता.
मसाज करण्यासाठी जागा ही सपाट असावी त्यावर तुम्ही चटई किंवा मॅट टाका.
पाठीवर कोमट तेल टाका आणि दोन्ही हातांच्या तळव्यांनी ते पूर्ण पाठीवर पसरवा.
हाताचे तळवे पाठीवर ठेवून कणा सोडून बाजूच्या स्नायूंवर खालून वरच्या दिशेने लांब आणि संथ हात फिरवा. किमान ५-१० वेळा असे करा.
जसे आपण पीठ मळतो, तसे हाताच्या बोटांनी आणि अंगठ्याने पाठीचे स्नायू हलके दाबा आणि सोडा. यामुळे रक्ताभिसरण सुधारते.
पाठीच्या कण्याजवळच्या स्नायूंवर बोटांच्या टोकांनी छोटे छोटे गोल आकारात मसाज करा. कण्याच्या हाडावर थेट जोरात दाब देऊ नका.