Sakshi Sunil Jadhav
वाढत्या उन्हाळ्यात कुलर हा उकाड्यापासून दिलासा देणारा महत्त्वाचा ऑप्शन असतो. पण सततच्या वापरामुळे कुलरमध्ये धूळ, घाण आणि जंतू जमा होतात. त्यामुळे त्याचा वास येतो.
तुम्ही कुलर स्वच्छ करण्यासाठी सगळ्यात आधी त्यातले पाणी काढून तो पूर्णपणे रिकामे करा. मग टाकीमध्ये साचलेली घाण आणि शेवाळ स्वच्छ पाण्याने धुवून काढा.
कुलरच्या पाण्यात थोडी तुरटी पावडर किंवा छोटा तुकडा टाका. त्याने पाण्यातले जंतू मरतात आणि वास कमी होतो.
कडुलिंबामध्ये नैसर्गिक जंतुनाशक गुणधर्म असतात. काही पानं कापडात बांधून कुलरच्या टाकीत ठेवल्याने डास आणि बॅक्टेरियांची वाढ कमी होतो.
कुलर साफ करताना पाण्यात बेकिंग सोडा आणि लिंबाचा रस मिक्स करा. हे मिश्रण वास दूर करून कुलर ताजातवाना ठेवण्यास मदत करतात.
कुलरमधील हनीकॉम्ब पॅड्समध्ये जास्त धूळ साचते. महिन्यातून किमान एक ते दोन वेळा हे पॅड्स काढून स्वच्छ धुवून घ्या.
साचलेले पाणी दुर्गंधी आणि जंतू वाढवण्याचं मुख्य कारण ठरू शकतात. त्यामुळे कुलरचं पाणी सतत बदलणं महत्वाचं आहे.
आठवड्यातून एकदा कुलर पूर्ण रिकामा करून उन्हात वाळवून घ्या. यामुळे ओलसरपणा कमी होतो आणि बॅक्टेरिया वाढत नाहीत.
कुलरच्या फॅनवर आणि जाळीवर धूळ साचल्यास हवा कमी थंड मिळते. त्यामुळे मऊ कापडाने नियमित साफसफाई करा.