ब्युरो रिपोर्ट, साम टीव्ही, मुंबई
किचनमधील डब्बे दर १५ दिवसांनी घासणे स्वच्छ करणे गरजेचे असते. स्वच्छता न केल्यास डब्यांना कीटक लागतात आणि डब्यांना बुरशी येण्यास सुरवात होते.
स्वयंपाकघरातील डब्बे अनेकदा घाण आणि तेलामुळे चिकट होतात. नंतर ते घाणेरडे दिसू लागतात.
घरातील चिकट झालेले डब्बे कसे साफ करावे हे सोप्या पध्दतीने जाणून घ्या.
गरम पाणी करत ठेवा. पाणी गरम झाल्यावर टपामध्ये ओता आणि चिकट झालेल्या डब्ब्यांना गरम पाण्यात भिजत ठेवा.
आता १ ग्लास पाण्यात १ चमचा बेकिंग सोडा, २ चमचे व्हिनेगर आणि सर्फ पावडर मिसळा.
आता हे तयार केलेले मिश्रण स्पंजवर लावा आणि डब्ब्यांना आणि झाकणांना लावून स्वच्छ करा.
डब्ब्यांमधून घाण काढून टाका. नंतर, डब्बे स्वच्छ पाण्याने धुवा आणि कोरडे होऊ द्या.
जर तुमच्याकडे बेकिंग सोडा उपलब्ध नसेल तर लिंबाच्या सालावर मीठ लावा आणि डब्यांवर चांगले घासून घ्या. असे केल्यास चिकटपणा निघून जाईल.