Manasvi Choudhary
दिवाळी सणापूर्वी घराची साफसफाई केली जाते.फरशी, पंखे, खिडक्यांच्या जाळ्या, ग्रील आणि आरसे स्वच्छ करतो. मात्र, अनेकदा आपल्याकडून घरातील बल्ब आणि ट्यूबलाईट्स स्वच्छ करण्याचे टाळतो.
परंतु, बल्बवर धुळीचा थर जमा झालेला असतो, तर स्वयंपाकघरातील बल्बवर फोडणीच्या तेलाचा आणि धुराचा चिकट थर साचतो. यामुळे बल्बचा प्रकाश मंद होतो आणि घर अंधुक दिसू लागते.
तुम्हालाही जर दिवाळीत घर चमकवायचे असेल, तर बल्ब स्वच्छ करण्याच्या ५ सोप्या व सुरक्षित ट्रिक्स जाणून घ्या.
बल्ब साफ करण्यापूर्वी मुख्य पॉवर स्विच किंवा बोर्डावरील बटण आवर्जून बंद करा.
जर बल्ब चालू असेल तर तो खूप गरम असतो. त्यामुळे त्याला लगेच हात लावू नका.
बल्ब पूर्णपणे थंड झाल्यानंतरच मऊ सुती कपड्याच्या मदतीने होल्डरमधून बाहेर काढा.
हॉल किंवा बेडरूममधील बल्बवर फक्त कोरडी धूळ असते. यासाठी मायक्रोफायबर कापड किंवा मऊ सुती कापड घ्या.
बल्बचा बाहेरील भाग हळुवारपणे पुसून घ्या. यामुळे जमा झालेली धूळ लगेच निघून जाईल आणि प्रकाश स्पष्ट पडेल.
किचनमधील बल्बवर साचलेला चिकटपणा घालवण्यासाठी एका भांड्यात कोमट पाणी घेऊन त्यात २ थेंब सौम्य भांडी धुण्याचे लिक्विड किंवा डिटर्जंट मिक्स करा.
त्यात मऊ कापड भिजवा आणि कापड पूर्णपणे घट्ट पिळून घ्या जेणेकरून त्यातून पाण्याचा थेंबही गळणार नाही. या ओलसर कपड्याने बल्बचा बाहेरील काच पुसून घ्या.
बल्ब पुसताना त्याचा मागील धातूचा भाग अजिबात ओला होणार नाही याची काळजी घ्या. पाण्याचा संपर्क आल्यास शॉर्ट सर्किट होण्याचा किंवा बल्ब खराब होण्याचा धोका असतो.
बल्ब ओलसर कपड्याने पुसल्यानंतर तो काही वेळ वाळू द्या. बल्ब पूर्णपणे कोरडा झाल्याची खात्री झाल्यावरच तो पुन्हा होल्डरमध्ये बसवा आणि स्विच चालू करा. तुम्हाला प्रकाशात लगेचच मोठा फरक जाणवेल.