ब्युरो रिपोर्ट, साम टीव्ही, मुंबई
लाकडी पोळपाट लाटणे वारंवार चिकट होणे किंवा त्यातून विचित्र वास येणे याचे मुख्य कारण म्हणजे ते नीट स्वच्छ न होणे, म्हणून पोळपाट लाटण्याची स्वच्छता ठेवणे गरजेचे मानले जाते.
पोळपाटावर किंवा लाटण्यावर लागलेले सुकलेले पीठ स्क्रॅपरने किंवा कोरड्या कपड्याने काढून टाका.
कोमट पाण्यात भिजवलेला हलका ओला कपडा घ्या आणि पोळपाट लाटणे पुसा. फार पाण्यात धुवू नका कारण लाकूड खराब होऊ शकतं.
लाकडी पोळपाट लाटण्यांसाठी हार्ष केमिकल किंवा जास्त साबण वापरू नये. फक्त १–२ थेंब सौम्य लिक्विड वापरावे.
लिंबू आणि मीठ हे नैसर्गिक क्लीनर आहे. पोळपाटावर मीठ शिंपडा आणि लिंबूने गोल गोल फिरवत घासा. याने डाग, वास आणि जंतू सहज निघून जातात.
घासल्यानंतर स्वच्छ पाण्याने हलकेच पुसा आणि लगेचच सुक्या कपड्याने कोरडे करा.
जास्त उन्हात ठेवल्यास लाकूड कोरडे पडून क्रॅक जाऊ शकते म्हणून घरातच सावलीत ठेऊन नैसर्गिकरीत्या वाळू द्या.
नारळतेल किंवा मोहरीचे तेल हलक्या हाताने पोळपाट लाटण्यावर लावा.यामुळे पोळपाट टिकाऊ, गुळगुळीत आणि सुरक्षित राहिल.
लाटणे कोरडे झाल्यावरच त्याच्या योग्य त्या जागी ठेवा. तसेच पोळपाट उभा ठेवला तर ओलावा साठत नाही आणि बुरशीही होत नाही.