ब्युरो रिपोर्ट, साम टीव्ही, मुंबई
आपण आपल्या फोनमध्ये वेगवेगळ्या कामासाठी अनेक अॅप्स इन्स्टॉल करतो. बँकिंग सेवांपासून ते ऑनलाइन पेमेंटपर्यंत, आज आपल्या फोनवर भरपूर अॅप्स इन्स्टॉल असतात.
परंतु इन्स्टॉल केलेले अॅप सुरक्षित आहे की नाही कसं चेक कराल, जाणून घ्या.
कोणताही अॅप तुमच्या फोनमध्ये व्हायरस आणि मालवेअर आणू शकतो.
मालवेअर वैयक्तिक माहिती चोरू शकते आणि ती हॅकर्सना देऊ शकते, जे नंतर या माहितीचा वापर करुन तुमची आर्थिक फसवणूक करु शकतात.
जर तुम्ही अँड्रॉइड फोन वापरत असाल, तर गुगल प्ले स्टोअरमध्ये गुगल प्ले प्रोटेक्ट फीचरचा वापर करु शकता.
गुगल प्ले स्टोअर उघडा आणि तुमच्या प्रोफाइल पिक्चरवर टॅप करा, तुम्हाला अॅप्स स्कॅन हा पर्याय दिसेल.
हे फीचर गुगल प्ले स्टोअरवरुन डाउनलोड केलेले अॅप्स स्कॅन करेल आणि फोनमध्ये असे कोणतेही अॅप आहे का जे डिव्हाइससाठी आणि असुरक्षित आहे हे सांगेल जेणेकरुन तुम्ही ते अॅप अनइन्स्टॉल करु शकता.