Surabhi Jayashree Jagdish
आंबा खाताना प्रत्येक व्यक्तीच्या मनात एक प्रश्न असतो तो म्हणजे, आंबा खाल्ल्यानंतर किती प्रमाणात ब्लड शुगर वाढेल? मुळात आंबा खाल्ल्यानंतर ब्लड शुगर किती वाढेल हे प्रत्येक व्यक्तीच्या शरीरावर त्याच्या डायबिटीज कंट्रोलवर आणि आंब्याच्या प्रमाणावर अवलंबून असते.
साधारणपणे एक मध्यम आकाराचा आंबा खाल्ल्यास रक्तातील साखर 30 ते 60 mg/dL पर्यंत वाढू शकते. मात्र ही वाढ तात्पुरती असते आणि शरीराच्या इन्सुलिन प्रतिसादावर ती कमी होते.
आंब्याचा ग्लायसेमिक इंडेक्स (GI) साधारणपणे 50-60 दरम्यान असतो. त्यामुळे आंबा खाल्ल्यानंतर रक्तातील साखर हळूहळू वाढते. त्यामुळे नियंत्रित प्रमाणात खाल्ल्यास तो तुलनेने सुरक्षित ठरू शकतो.
रिकाम्या पोटी आंबा खाल्ल्यास शुगर पटकन वाढण्याची शक्यता अधिक असते. कारण त्या वेळी शरीरात इतर अन्न नसल्यामुळे ग्लुकोज थेट रक्तात मिसळतो. त्यामुळे डायबिटीज असलेल्या लोकांनी रिकाम्या पोटी आंबा टाळावा.
जेवणानंतर आंबा खाल्ल्यास शुगरची वाढ तुलनेने कमी होते. कारण आधी खाल्लेल्या अन्नामुळे ग्लुकोज शोषणाची गती कमी होते. त्यामुळे आंबा नेहमी जेवणानंतर किंवा इतर फायबरयुक्त अन्नासोबत खाणे फायदेशीर ठरते.
डायबिटीज असलेल्या व्यक्तींनी एकावेळी अर्धा आंबा किंवा 100 ग्रॅमपर्यंत मर्यादा ठेवावी. जास्त प्रमाणात खाल्ल्यास शुगर अचानक वाढू शकते. प्रमाण नियंत्रण हेच सर्वात महत्त्वाचे आहे.
आंब्यासोबत प्रोटीन किंवा फायबरयुक्त पदार्थ खाल्ल्यास शुगरचा परिणाम कमी होतो. जसं की, आंब्यासोबत थोडे सुकामेवा किंवा दही खाल्ल्यास ग्लुकोज हळूहळू वाढतो. यामुळे ब्लड शुगर स्थिर ठेवण्यास मदत होते.