ब्युरो रिपोर्ट, साम टीव्ही, मुंबई
नेहमीच सगळीकडे ऐकले आहे की, चपाती खाल्याने शक्ती मिळते आणि आरोग्यासाठी ही चांगली असते.
बहुतेक लोकांना चपाती आवडते. जेव्हा जेव्हा घरात डाळ आणि भाजी केलेली असेल तेव्हा चपातीची गरज लागतेच.
गव्हापासून बनणारी चपाती ही कॉम्प्लेक्स कार्बोहायड्रेट्स, फायबर, प्रथिने, मॅग्नेशियम, लोह, जस्त आणि बी जीवनसत्त्वांचा चांगला स्रोत आहे.
गव्हाच्या चपातीमध्ये ८० ते ८५ कॅलरीज आणि १५ ते १८ ग्रॅम कार्बोहायड्रेट्स असतात.
जर तुम्ही तुमच्या दैनंदिन जीवनातील कॅलरीजचे प्रमाण मर्यादित करण्याचा प्रयत्न करत असाल तर चपाती हा एक चांगला पर्याय आहे.
बहुतेक लोकांना असे वाटते की, जास्त चपाती खाल्याने ब्लड शुगर वाढते.
चपातीमध्ये कार्बोहायड्रेट्स, तसेच फायबर आणि प्रथिने भरपूर असतात, ज्यामुळे ब्लड शुगर नियंत्रित होण्यास मदत होते.
जर एखाद्या व्यक्तीचे वजन ५५ ते ६५ किलो दरम्यान असेल आणि तो काम जास्त करत असेल तर तो दिवसातून ३-४ चपात्या खाऊ शकतो.