Manasvi Choudhary
प्रत्येक निवडणुकीच्यावेळी सर्वात महत्वाचं काम करते ती म्हणजे ईव्हीएम मशीन. इलेक्ट्रॉनिक व्होटिंग मशीन हे ईव्हीएम मशीनचे पूर्ण नाव आहे.
ईव्हीएम मशीनद्वारे सर्वत्र मतदान प्रक्रिया पार पडते. अश्याच या ईव्हीएम मशीनचे नेमके कार्य काय असते? हे या वेबस्टोरीतून जाणून घेऊया.
इलेक्ट्रॉनिक व्होटिंग मशीनमध्ये तीन प्रकारच्या मशीन्स असतात, ज्यामध्ये कंट्रोल युनिट, बॅलेट युनिट आणि व्होटर व्हेरिएबल पेपर ऑडिट ट्रेलचा समावेश असतो.
कंट्रोल युनिट ही इलेक्ट्रॉनिक वोटिंग मशीनमधील महत्त्वाचा भाग आहे यात एक डिस्प्ले असतो. तो ॲक्टिव्ह करताच तुम्हाला मशीनबद्दल संपूर्ण माहिती मिळते.
मशीनमध्ये बॅटरी किती चार्ज झाली आहे, आतापर्यंत किती मते पडली आहेत, इत्यादी माहिती या डिस्प्लेवर दिलेली असते.
बॅलेट युनिट कंट्रोल युनिटमधूनच अॅक्टिव्ह केले जाते. बॅलेट युनिट अॅक्टिव्ह होताच, त्याच्या वरती एक हिरवा लाइट दिसतो.
बॅलेट युनिटमध्ये उमेदवाराचे नाव, फोटो आणि निवडणूक चिन्ह हे क्रमवार दिलेले असते. उमेदवाराच्या निवडणूक चिन्हापुढे निळे बटण दिसते. तुम्ही आवडत्या उमेदवारासमोरील निळे बटण दाबताच बीपचा आवाज येईल आणि मतदान प्रक्रिया पूर्ण होईल.
पूर्वी इलेक्ट्रॉनिक व्होटिंग मशीनमध्ये कंट्रोल युनिट आणि बॅलेट युनिट नव्हते. पण, त्याच्या विश्वासार्हतेवर प्रश्न उपस्थित केल्यानंतर त्यात व्होटर व्हेरिएबल पेपर ऑडिट ट्रेलचा समावेश करण्यात आला, जे कंट्रोल आणि बॅलेट युनिटदरम्यान ठेवले जाते.
बॅलेट युनिटचे बटण दाबताच, मतदाराला VVPAT मशीमध्ये एक स्लिप दिसून येते, त्याद्वारे मतदाराने ज्या उमेदवाराच्या नावापुढचे बटण दाबले ही माहिती दिसते.
हे आधुनिक मशीन कंट्रोल युनिटला जोडलेले असते. मतदाराने मत दिल्यावर त्याची खात्री करण्यासाठी हे प्रिंटर काम करते.
ही चिठ्ठी एका पारदर्शक खिडकीतून मतदाराला सुमारे ७ सेकंदांसाठी दिसते.यातून मतदाराला आपले मत योग्य उमेदवारालाच मिळाले याची खात्री होते.
७ सेकंदांनंतर ही चिठ्ठी आपोआप कापली जाते आणि व्हीव्हीपीएटीच्या सीलबंद पेटीत जमा होते.