Manasvi Choudhary
अवघ्या काही दिवसात संपूर्ण राज्यात होळी हा सण साजरा होणार आहे. यंदा २ मार्च रोजी होळी हा सण आहे.
हिंदू धर्मात होळी या सणाला विशेष महत्व आहे. प्राचीन काळापासून होळी हा सण सर्वत्र साजरा होत आहे.
महाराष्ट्रासह इतर राज्यात होळी हा सण साजरा केला जातो. महाराष्ट्रात होळी तर उत्तर प्रदेशात होरी, गोव्याला शिमगा या नावाने सणाला ओळखले जाते.
पौराणिक कथेनुसार, शालिवाहन शकाच्या मास गणनेप्रमाणे शेवटचा जो फाल्गुन महिना आहे तो फाल्गुनोत्सव म्हणून साजरा करावा अशी त्यामागची कथा आहे.
छत्रपती शिवाजी महाराज रायगडावर मोठ्या उत्साहात सर्व सणउत्सव साजरे करायचे. माहितीनुसार, शिवाजी महारांजानी सण- उत्सव साजरी केल्याच्या नोंदी आहेत त्यात होळी या सणाचा उल्लेख केला आहे.
शिवकाळापासून होळी हा सण साजरा होत आहे. शिवाजी महाराजाच्या काळात मंदिरे ते बाजारपेठ अशी पूर्ण होळीची माळ असायची.
शिवकालीन होळी या सणाला होळीच्या माळावर मावळे खेळ खेळायचे. सोंगे काढली जायची, हळगीच्या सुरात दांडपट्टा तलवारबाजी खेळली जायची, कुस्तीचे फड रंगायचे.