Manasvi Choudhary
हॉटेलला डिनरला गेल्यानंतर आवडीने तुम्ही शेजवान फ्राइड राईस ऑर्डर करता. मात्र अनेकदा घरी हॉटेलसारखा शेजवान फ्राइड राईस बनत नाही. यासाठी आज आम्ही तुम्हाला घरच्या घरी शेजवान फ्राइड राईस कसा बनवायचा सांगणार आहे.
शेजवान फ्राईड राईस घरच्या घरी देखील तुम्ही बनवू शकता. फ्राईड राईस बनवण्याची रेसिपी अत्यंत सोपी आहे.
शेजवान फ्राईड राईस बनवण्यासाठी तुम्हाला कांदे, शिमला मिरची, गाजर, कोबी,लसूण, सोया सॉस, शेजवान सॉस व्हिनेगर, मिरी, तेल आणि मीठ हे साहित्य एकत्र करा.
फ्राईड राईस बनवण्यासाठी सर्वात पहिले कोबी, सिमला मिरची, कांदा या भाज्या एकत्र बारीक कापून घ्या. गॅसवर कढईमध्ये गरम तेलामध्ये लसूण आणि बारीक चिरलेला कांदा चांगला परतून घ्या.
यानंतर हे मिश्रण चांगले सोनेरी रंग येईपर्यंत शिजवून घ्या. त्यात सोया सॉस, शेजवान सॉस, मीठ, काळी मिरी पावडर हे मसाले घाला म्हणजेच शेजवान फ्राईड राईस बनवण्यासाठी मसाला तयार होईल.
दुसऱ्या बाजूला गॅसवर शेजवान फ्राईड राईस बनवण्यासाठी बासमती राईस चांगला शिजवून घ्या. शिजवलेले भात या तयार मिश्रणात मिक्स करा सर्व साहित्य चांगले मिसळून घ्या आणि ५-७ मिनिटे परता.अशाप्रकारे गरमा गरम शेजवान फ्राईड राईस सर्व्हसाठी तयार आहे.