Manasvi Choudhary
कपल्स किंवा नवीन लग्न झालेले जोडपे बाहेरगावी पिकनिकला गेल्यानंतर हॉटेल बुक करतात.
हॉटेल बुक केल्यानंतर प्रत्येकाने योग्य खबदारी घेणे महत्वाचे आहे.
हॉटेलच्या रूममध्ये छुपे कॅमेरे आहेत की नाही ते चेक करा. रूममधील कॅमेरे तपासण्यासाठी सर्व लाईट्स पूर्णपणे बंद करा आणि तुमच्या मोबाईलचा फ्लॅश लाईट चालू ठेवा.
रूममधील टीव्ही स्क्रीन, स्मोक डिटेक्टर्स, पॉवर सॉकेट्स, घड्याळ आणि आरशावर फ्लॅश लाईट टाका. जर कॅमेरा लेन्स असेल, तर ती प्रकाश परावर्तित करते आणि तुम्हाला चमकताना दिसते.
रूममध्ये पोहोचताच सर्वात आधी दरवाजाची सुरक्षा तपासून घ्या. दरवाजाचा डेडबोल्ट, सेफ्टी चेन आणि कुलूप किंवा डिजिटल लॉक नीट काम करत आहे का, याची खात्री करा.
बेडच्या मागे, कपाटाच्या आत, पडद्यामागे आणि रूमच्या अंधाऱ्या कोपऱ्यात व्यवस्थित पाहा. कोणतीही संशयास्पद वस्तू आहे का, याची खात्री करा.
रूममधील एसी, लाईट्स, टीव्ही, गीझर आणि चार्जिंग पॉईंट्स व्यवस्थित सुरू आहेत का, ते चेक करा. एखादी वस्तू खराब असल्यास हॉटेल व्यवस्थापकाला कळवा.
तुमचे पासपोर्ट, रोख रक्क , दागिने आणि इतर महत्त्वाच्या वस्तू बॅगेत सुरक्षित ठेवा. हॉटेलच्या रूममध्ये जर सेफ लॉकर उपलब्ध असेल, तर मौल्यवान वस्तू लॉकरमध्येच ठेवाव्यात.