Shreya Maskar
बाजारात उपलब्ध असलेल्या बहुतेक मधात साखरेचा पाक, सिरप आणि प्रिझर्व्हेटिव्ह्जची भेसळ केलेली असते, जे आरोग्यासाठी हानिकारक असू शकते.
स्वयंपाकघरात उपलब्ध असलेल्या फक्त तीन घटकांचा वापर करून तुम्हाला सुगंधी, चवदार मध बनवता येते.
घरी मध तयार करण्यासाठी सफरचंदाचा रस, साखर, लिंबाचा रस, लवंगा आणि इतर काही साहित्यांची आवश्यकता असते.
मध बनवण्यासाठी सर्वप्रथम एका पॅनमध्ये १ कप सफरचंदाचा रस आणि १ कप साखर घाला. मध्यम आचेवर ठेवा आणि साखर विरघळेपर्यंत सतत ढवळत राहा.
साखर पूर्णपणे विरघळल्यावर, १ मोठा चमचा लिंबाचा रस घाला. लिंबाच्या रसामुळे साखरेचे खडे तयार होत नाहीत आणि मध वर्षानुवर्षे घट्ट व चमकदार राहतो.
आच कमी करा आणि मिश्रण १०-१२ मिनिटे मंद आचेवर शिजू द्या. जर तुम्हाला अधिक अस्सल मधासारखा सुगंध हवा असेल, तर शिजवताना २ लवंगा घाला आणि नंतर काढून टाका.
जेव्हा मिश्रणाचा रंग हलका सोनेरी तपकिरी होईल आणि ते दाट पाकासारखे घट्ट होईल, तेव्हा गॅस बंद करा. थंड झाल्यावर मध अधिक घट्ट होते.
तयार मध काचेच्या बाटलीत भरून साठवून ठेवा. तुम्ही तो रेफ्रिजरेटरशिवाय अनेक महिने वापरू शकता.
NEXT : पनीर बनवल्यावर उरलेलं पाणी फेकता? थांबा, १० मिनिटांत बनवा हेल्दी गरमागरम सूप