Shreya Maskar
संध्याकाळ होताच घरात आणि आजूबाजूच्या परिसरात डासांचा उपद्रव वाढतो. डास घरात शिरू लागतात आणि झोपेत व्यत्यय आणतात.
डासांना पळवून लावण्यासाठी बाजारात महागडे रासायनिक डास प्रतिबंधक उपलब्ध आहेत, मात्र यामुळे डासांपासून काही काळापुरताच आराम मिळतो. त्यापेक्षा घरगुती उपाय करा.
एका छोट्या वाटीत थोडे तेल गरम करून त्यात वाळलेली कडुलिंबाची पाने, लवंग, लसूण आणि कांद्याची पाने टाका. सुगंध वाढवण्यासाठी कापूरची गोळी मिक्स करा.
डासांना दूर ठेवण्यासाठी कांद्याचा दिवा बनवा. एक कांदा घ्या आणि त्यात एक लहान छिद्र करा. कांद्यात हे मिश्रण भरा, वात ठेवा आणि दिवा लावा.
कांद्याचा दिवा संध्याकाळी मोकळ्या जागेत ठेवा जेणेकरून त्याचा सुगंध संपूर्ण घरात पसरेल. त्याचा वास आणि धूर डासांना दूर ठेवण्यास मदत करू शकतात.
तयार केलेले तेल एका रिकाम्या बाटलीत गाळून घ्या आणि ते डास प्रतिबंधकामध्ये टाका. यामुळे संपूर्ण घरात नैसर्गिक सुगंध पसरेल आणि डासांना दूर ठेवण्यास मदत होईल.
संध्याकाळच्या वेळी दारे- खिडक्या गरज नसल्यास चालू ठेवू नका. तसेच खिडक्यांना जाळी लावा. जेणेकरून डास, मच्छर, माशा घरात शिरणार नाही.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं कुठलेही समर्थन अथवा दावा करत नाही.