ब्युरो रिपोर्ट, साम टीव्ही, मुंबई
उन्हाळ्यात, घाम आणि प्रदूषण तुमच्या मानेवरील त्वचा काळी आणि कोरडी करू शकतो, ज्यामुळे ती खूपच विचित्र दिसते. मानेवरील काळी त्वचा दूर करण्यासाठी तुम्ही हे घरगुती उपाय वापरून पाहू शकता.
लिंबाचा रस मधात मिक्स करा आणि तो तुमच्या मानेला लावा. २० मिनिटांनी, कोमट पाण्याने तुमची मान स्वच्छ धुवून घ्या. आठवड्यातून दोनदा हा उपाय करा.
बटाट्याचा रस कापसाच्या गोळ्याने मानेवर लावा आणि १५ मिनिटांनी धुवा. बटाट्यातील नैसर्गिक ब्लिचिंग गुणधर्म टॅनिंग कमी करण्यास मदत करतात.
दह्यात थोडी हळद मिक्स करुन पेस्ट बनवू घ्या. तयार केलेली पेस्ट मानेवर २० मिनिटे लावा आणि नंतर पाण्याने स्वच्छ धुवून घ्या. हा पॅक आठवड्यातून दोनदा लावावा.
तुमच्या मानेला ताजे कोरफडीचे जेल लावा आणि २० मिनिटे सुकू द्या. नंतर मान थंड पाण्याने स्वच्छ धुवा. कोरफडी त्वचेला आराम देते आणि टॅनिंग हलके करते.
बेसन, दूध आणि चिमूटभर हळद वापरून पेस्ट बनवा. ही पेस्ट तुमच्या मानेवर हळूवारपणे लावा आणि स्क्रब करा. नंतर १५ मिनिटांनी धुवा.
टोमॅटो मॅश करा त्याचा गर तुमच्या मानेवर १५ मिनिटे लावा. टोमॅटोमधील लायकोपिन टॅनिंग आणि सनबर्न कमी करण्यास मदत करते.
उन्हात बाहेर जाण्यापूर्वी सनस्क्रीन लावा. तसेच मान झाकण्यासाठी स्कार्फ किंवा दुपट्टाचा वापर करा.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे तज्ज्ञांचा सल्ला घ्यावा.