Shreya Maskar
होळीला गोड पदार्थांमध्ये काही वेगळे आणि स्वादिष्ट बनवायचे असेल तर बालूशाही हा उत्तम पदार्थ आहे. तसेच याची रेसिपी देखील सिंपल आहे.
बालूशाही हा प्रामुख्याने उत्तर भारत आणि बिहारमध्ये बनवला जातो. हा तेथील एक पारंपारिक लोकप्रिय गोड पदार्थ आहे. चवीला खूपच टेस्टी आहे.
बालूशाही बनवण्यासाठी मैदा, मीठ, तूप, पाणी, साखर, वेलची पूड इत्यादी साहित्य लागते. तुम्ही यात ड्रायफ्रूट्सचे काप देखील टाकू शकता.
बालूशाही बनवण्यासाठी एका बाऊलमध्ये मैदा, तूप, मीठ घालून कणिक मळून घ्या. कोमट पाण्यात कणिक मळा. जेणेकरून पीठ छान मऊ होईल.
कणिकेची जाडसर पोळी लाटा. त्यानंतर सुरीने मधोमध कापा आणि एका बाजूवर दुसरी बाजू ठेवा, पुन्हा मधोमध कापा असे २-४ वेळा करा. जेणेकरून बालूशाहीचा गोल आकार येईल.
त्यानंतर पॅनमध्ये तूप गरम करून त्यात पेढ्याच्या आकाराची बालूशाही खरपूस तळून घ्या. बालूशाही तळताना गॅस कमी आचेवर ठेवून द्या.
आता पॅनमध्ये साखरेचा पाक बनवा. त्यात वेलची टाका आणि तयार बालूशाही काही वेळ पाकात बुडवून ठेवा. जेणेकरून बालूशाही मऊ आणि गोड होतील.
तयार बालूशाही एका ताटात काढा आणि त्यावर केशर, कापलेले ड्रायफ्रूट्सचे तुकडे टाका. अशाप्रकारे शाही बालूशाही तयार झाली आहे.