Shreya Maskar
होळीच्या रंगांमुळे त्वचेला होणारे नुकसान टाळण्यासाठी रंग खेळायला जाण्याआधी त्वचेला चांगले नारळाचे तेल लावा. तेल लावल्याने त्वचेवर एक संरक्षक थर तयार होतो. ज्यामुळे रंग थेट त्वचेला लागत नाही.
तुम्ही त्वचेला नारळाचे, बदामाचे आणि तीळाचे तेल लावू शकता. तसेच रंग खेळताना डोळ्यांची विशेष काळजी घ्या. गॉगलचा वापर करा.
त्वचा हायड्रेट ठेवण्यासाठी भरपूर पाणी प्या. तसेच चेहऱ्याला मॉइश्चरायझर लावा. जेणेकरून रंगांमुळे त्वचा कोरडी पडणार नाही. विशेषतः कोपर, गुडघे आणि पायांना चांगले मॉइश्चरायझ करा.
रंगांपासून ओठांची विशेष काळजी घ्या. त्यामुळे ओठांना लिप बाम किंवा तूप लावा. हे होळीच्या रंगांपासून ओठांच्या त्वचेचे संरक्षण करते.
होळीला रंग खेळून आल्यावर त्वरित आंघोळ करून शरीरावरील सर्व रंग काढून टाका. रंगीत त्वचेवर जास्त वेळ बसणे टाळा. यामुळे रंग त्वचेला चिकटून राहतो. तसेच संसर्ग होण्याचा धोका वाढतो.
बाऊलमध्ये बेसन, दही, गुलाब पाणी मिक्स करून चेहऱ्याला लावा आणि १०-१५ मिनिटे फेसपॅक तसाच ठेवून द्या. त्यानंतर चेहरा स्वच्छ पाण्याने धुवा आणि मॉइश्चरायझ करा. ज्यामुळे त्वचेवरील रंग सहज निघून जातील आणि ती उजळ होईल.
होळी खेळायला जाताना आवर्जून सनस्क्रीन लावा. उन्हात चेहरा काळा पडणार नाही. तसेच रंगांपासूनही सनस्क्रीन तुमच्या त्वचेचे संरक्षण करेल.
घरगुती कोणतेही प्रोडक्ट चेहऱ्यावर लावताना सर्वात आधी त्याची पॅच टेस्ट करा. कारण आपली त्वचा खूप संवेदनशील असते.