Manasvi Choudhary
रस्त्यावरून प्रवास करताना रस्त्यावर आखलेल्या पांढऱ्या आणि पिवळ्या रंगाच्या रेषा अनेकदा पाहिल्याच असतील.
अनेकांना असे वाटते की या रेषा रस्त्याच्या सजावटीसाठी आहेत मात्र तसे नाही रस्त्याच्या सुरक्षिततेसाठी आणि नियंत्रणासाठी या रेषा असतात.
रस्त्यावरील या रेषा म्हणजे जे चालकाला गाडी चालवताना काय करावे आणि काय करू नये याचे थेट संकेत देतात.
रस्त्याच्या मधोमध असलेली पिवळी रेषा म्हणजे तुम्ही दुसऱ्या गाडीला ओव्हरटेक करू शकत नाही. तुम्हाला तुमच्याच लेनमध्ये वाहन चालवायचे आहे.
रस्त्यावर दोन सलग पिवळ्या रेषा एकत्र दिसत असतील, तर तिथून ओव्हरटेक करणे किंवा यू-टर्न घेऊ शकत नाही. हा नियम मोडल्यास अपघात होण्याची शक्यता असू शकते.
रस्त्यावरील सरळ पांढऱ्या रेषेचा अर्थ म्हणजे तुम्ही एकाच लेनने प्रवास करू शकता. अशा रस्त्यावर तुम्हाला लेन बदलण्याची परवानगी नसते.
रस्त्यांवर तुटक पांढऱ्या रंगाची रेषा असते म्हणजे तुम्ही गरजेनुसार तुमची लेन बदलू शकता, तसेच योग्य सावधगिरी बाळगून आणि इंडिकेटर देऊन ओव्हरटेकही करू शकता.
जेव्हा रस्त्यावर दोन समांतर सलग पांढऱ्या रेषा असतात, तेव्हा तिथे लेन बदलण्यास पूर्णपणे मनाई असते. तुम्हाला एकाच गतीने आणि एकाच रांगेत वाहन चालवावे लागते.