Manasvi Choudhary
मानसिक आरोग्याची काळजी घेणे हे अत्यंत महत्वाचे आहे. शारीरिक आरोग्य जितके महत्वाचे असते तितकेच मानसिक आरोग्य जपणे महत्वाचे आहे.
नैराश्य म्हणजेच डिप्रेशन हा एक असाच गंभीर मानसिक आजार आहे, जो लहान मुले, तरूण, आणि वृद्ध व्यक्तींना होतो.
डिप्रेशन म्हणजे थकवा असा अनेकांचा समज असतो मात्र वैद्यकीय माहितीनुसार, डिप्रेशनची काही महत्वाची लक्षणे ही शरीरात दिसतात त्याकडे वेळीच लक्ष देणे महत्वाचे आहे.
सकाळी उठल्यावर थकवा जाणवणे सामान्य आहे. पण जर पुरेशी झोप घेऊनही तुम्हाला रोजच प्रचंड थकवा आणि अशक्तपणा जाणवत असेल, तर ते डिप्रेशनचे मुख्य लक्षण असू शकते.
डिप्रेशनचा थेट परिणाम झोपेवर होतो. काही व्यक्तींना सतत झोपून राहण्याची तीव्र इच्छा होते. अतिविचार केल्याने हा त्रास उद्भवू शकतो.
दुःख हे एखाद्या घटनेमुळे वाटते आणि काळानुसार कमी होते. मात्र, नैराश्यामुळे निर्माण होणारी दुःखाची भावना अतिशय तीव्र असते.
डिप्रेशनमध्ये अनेकदा व्यक्ती कोणत्याही कारणाशिवाय स्वतःला प्रत्येक गोष्टीसाठी दोषी मानू लागतात. छोट्या छोट्या गोष्टींबद्दल किंवा ज्या गोष्टींवर त्यांचा संबंध नाही, अशा गोष्टींसाठीतही स्वत:ला दोषी मानतात.
नैराश्याचा थेट परिणाम व्यक्तीच्या खाण्यापिण्याच्या सवयींवर होतो. काही लोकांची भूक पूर्णपणे मरते आणि त्यांचे वजन वेगाने कमी होते, तर काही लोक तणावामुळे खूप जास्त खातात ज्यामुळे त्यांचे वजन अचानक वाढते.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.