ब्युरो रिपोर्ट, साम टीव्ही, मुंबई
आजकालच्या बदलत्या जीवनशैलीमुळे केस गळणे, केसांमध्ये कोंडा होणे या सारख्या समस्या होतात. केसांमध्ये कोंडा झाल्याने चेहऱ्यावर पिंपल्स होत असतात.
केसांमध्ये कोंडा कमी करणं हे अतिशय आव्हानात्मक काम असतं. केसामधील कोंडा कमी करण्यासाठी पोषक आहाराचे सेवन करणे आवश्यक आहे.
केसामध्ये कोंडा झाल्यास दोन चमचे नारळाचं तेलात लिंबाचा रस घालून एक मिश्रण बनवा. हे मिश्रण केसांना लावा. साधरण ५ ते १० मिनिटं हे मिश्रण लावून ठेवा. त्यानंतर थंड पाण्याने केस धुवावेत.
केसामध्ये कोंडा असेल तर दही खूप उपयुक्त ठरते. केसांना दही लावावी. साधरण १० ते १५ मिनिटं दही केसांना लावून ठेवावी. त्यानंतर केस धुवून काढावेत. यामुळे केस चमकदार होतात आणि कोंडा कमी होण्यास मदत होते.
तुमच्याही डोक्याच्या केसांमध्ये कोंडा झाला असेल तर दुसऱ्या कोणाचा कंगवा वापरणं टाळा. तसेच केस विंचरल्यानंतर कंगवा हा स्वच्छ करावा.
केसामध्ये कोंडा असेल तर संत्र्याच्या सालीचा रस टाळूवर लावावा. या रसाने टाळूची मसाज करावी. १० ते १५ मिनिटे ठेवून त्यानंतर थंड पाण्याने स्वच्छ धुवा.
कोरफडाचा गर देखील केसामधील कोंडा घालवण्यासाठी खूप फायदेशीर असतो आणि त्यामुळे केस दाट आणि मुलायम होण्यास देखील मदत होते.
सदर लेख फक्त सामान्य माहितीसाठी आहे. अधिक तपशीलांसाठी डॉक्टरांशी संपर्क साधा़