Surabhi Jayashree Jagdish
कोलेस्ट्रॉलचं प्रमाण जास्त झाल्यास हृदयावर परिणाम होऊ शकतो. योग्य आहार आणि ड्रिंक्स निवडल्याने वाईट कोलेस्ट्रॉल (LDL) कमी करण्यास मदत होते. काही नैसर्गिक ड्रिंक्स शरीरातील फॅट कमी करून हृदय निरोगी ठेवतात. हे ड्रिंक्स कोणते आहेत ते पाहूयात.
ग्रीन टीमध्ये कॅटेचिन्स नावाचं अँटिऑक्सिडंट्स मोठ्या प्रमाणात असतं. जे शरीरातील वाईट कोलेस्ट्रॉल कमी करण्यास मदत करतात. हे अँटिऑक्सिडंट्स रक्तवाहिन्यांमध्ये फॅट साचू देत नाहीत आणि हृदय निरोगी ठेवतात.
लिंबू पाणी व्हिटॅमिन C आणि फ्लेवोनॉइड्सने समृद्ध असते जे कोलेस्ट्रॉल नियंत्रित करण्यास मदत करतात. हे पेय शरीराला नैसर्गिकरित्या डिटॉक्स करून विषारी घटक बाहेर टाकते.
हर्बल टीमध्ये कॅफिन नसते आणि त्यामुळे ते शरीरासाठी हलकं आणि सुरक्षित पेय मानलं जातं. कॅमोमाइल, पेपरमिंट आणि हिबिस्कस सारखे प्रकार कोलेस्ट्रॉल कमी करण्यास मदत करू शकतात.
स्पार्कलिंग वॉटरमध्ये लिंबू, लिंबूवर्गीय फळांचा रस घातल्यास ते आरोग्यदायी ड्रिंक बनते. या पेयामध्ये साखर नसल्यामुळे ते कॅलरी वाढवत नाही आणि शरीर हायड्रेट ठेवतं.
गाजर, बीट यांसारख्या भाज्यांचा रस शरीराला आवश्यक जीवनसत्त्वं आणि मिनरल्स पुरवतो. हा रस अँटिऑक्सिडंट्सने समृद्ध असल्याने हृदयाचे आरोग्य सुधारण्यास मदत करतो. नियमित सेवन केल्याने शरीरातील वाईट कोलेस्ट्रॉल कमी होण्याची प्रक्रिया वेगवान होऊ शकते.
पालक, केल यांसारख्या हिरव्या पालेभाज्या आणि सफरचंद किंवा बेरी यांचं मिश्रण करून ग्रीन स्मूदी तयार केली जाते. यात फायबर आणि अँटिऑक्सिडंट्स जास्त प्रमाणात असल्याने कोलेस्ट्रॉल कमी करण्यास मदत होते.