Shraddha Thik
भारतीय क्रिकेट संघाचा माजी अष्टपैलू खेळाडू युवराज सिंग आज 12 डिसेंबर रोजी 42 वर्षांचा झाला.
सिक्सर किंग म्हणून ओळखल्या जाणाऱ्या युवराजने भारतीय संघाला अनेक सामने स्वबळावर जिंकून दिले आहेत.
भारतीय संघाने 2007 टी-20 विश्वचषक आणि 2011 एकदिवसीय विश्वचषक जिंकला होता.
2007 टी-20 विश्वचषकादरम्यान, युवराज सिंगने इंग्लंडविरुद्ध वेगवान गोलंदाज स्टुअर्ट ब्रॉडच्या एका ओव्हरमध्ये 6 षटकार ठोकले होते.
तसेच 2011 च्या विश्वचषकात युवीची टूर्नामेंटमधील सर्वोत्तम खेळाडू म्हणून निवड झाली होती.
2011 च्या विश्वचषकादरम्यान युवराजला कर्करोगाने ग्रासले होते. परंतु युवराजने आजार लपवून स्पर्धेत भाग घेतला, आणि विश्वचषकात मैदानावर गोलंदाजांची धुलाई करत होता.
त्याने 2011 मध्ये संघाला नक्कीच चॅम्पियन बनवले, पण त्याची अवस्था फारच बिकट झाली होती, रक्ताच्या उलट्या होत असताना त्याने फलंदाजी केली.
कॅन्सरच्या उपचारासाठी युवीला बोस्टनला जावे लागले. वर्षभराहून अधिक काळ चाललेली कॅन्सरची लढाई अखेर युवराजने जिंकली. युवराज क्रिकेटच्या मैदानात परत येऊ शकणार नाही, असे क्रिकेट तज्ज्ञांचे मत होते.
युवीने हार मानली नाही आणि कॅन्सरला हरवून जबरदस्त पुनरागमन केले. यानंतर युवीने जून 2019 मध्ये आंतरराष्ट्रीय क्रिकेटला अलविदा केला.