Manasvi Choudhary
केस गळण्याची समस्या ही आजकाल सर्वानाच भिडसावत आहे. केस गळणं सुरू झालं की मनात नको ते नको विचार यायला सुरूवात होते.
सतत केस गळती सुरू असेल तर आणि जेव्हा कोणताच उपाय लागू पडत नाही, तेव्हा 'हे कॅन्सरचे लक्षण तर नाही ना?' असे प्रश्न मनात घर करतात.
परंतु, आरोग्य तज्ज्ञांच्या मते केस गळतीचा आणि कॅन्सरचा कोणताही संबंध नाही. आरोग्य तज्ज्ञांनुसार, केस गळत असतील तर कॅन्सर समजणे चुकीचे आहे. बदलत्या जीवनशैलीनुसार केस गळण्यामागची कारणे वेगवेगळी असतात. याचा कॅन्सरशी कोणताही संबंध नाही.
कामाचा ताण, खाण्यापिण्याच्या चुकीच्या सवयी, झोपेचा अभाव, आर्थिक चिंता, मानसिक त्रास ही केस गळतीची मुख्य कारणे असू शकतात. सतत तणावात असाल तर हे केसांच्या आरोग्यावर थेट परिणाम करते यामुळे केस कमकुवत होतात आणि गळतात.
महिलांमध्ये हार्मोन्सच्या बदलामुळे, PCOD या समस्येमुळे तसेच गर्भधारणेनंतर केस गळण्याची समस्या उद्भवते. केमिकलयुक्त प्रसादने वापरल्याने, वाढत्या प्रदूषणामुळे, केसांच्या अस्वच्छतेमुळे देखील केस गळतात.
मग कॅन्सर आणि केसांचा संबंध काय? तर कॅन्समुळे थेट केस गळतात असे नाही. कॅन्सरवर उपचारदरम्यान वापरल्या जाणाऱ्या केमोथेरपी औषधांच्या परिणामामुळे केसांच्या मुळांवर परिणाम होतो आणि केस गळतात किंवा केस काढतात.
केमोथेरपी ही ट्रिटमेंट शरीरातील वेगाने वाढणाऱ्या पेशींवर परिणाम करते यामध्ये केसांच्या मुळांतील पेशींचाही समावेश असतो म्हणून केस गळतात.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ल घ्या.