Manasvi Choudhary
केसांच्या वाढीसाठी केस योग्य वेळी कापणे अधिक फायदेशीर आहे.
केसांची लांबी वाढवायची असेल तर केस कापू नये. असा अनेकांचा गैरसमज आहे. मात्र केस कापल्याने केसांची वाढ चांगली होते हे लक्षात घ्या.
केस कापल्याने ट्रिम केल्याने केसांची वाढ मुळापासून होते. नियमितपणे केस कापल्याने केस तुटत नाही, केसांना फाटे फुटत नाही ज्यामुळे ते लांब होतात.
जर तुम्ही देखील केस कापावे की नाही? कधी कापावे? म्हणून गोंधळात असाल तर खालील माहिती वाचा.
ठरावीक वेळाने केस कापल्याने केसांची दुरूस्ती होते. केस कोरडे, खराब होत नाही. कारण केसांची वाढत होत असते तशी केसांची टोके कमकुवत आणि कोरडी होतात यामुळे केस कापणे महत्वाचे आहे.
नियमितपणे केस ट्रिम न केल्यास केसांच्या टोकाला फाटे फुटतात आणि टोके वरच्या दिशेने पसरतात यामुळे केस मधून तुटू शकतात.
केस कापण्याची वेळ तुम्ही केसांचा पोत आणि शैलीनुसार ठरवू शकता. जर तुम्हाला केस मोठे हवे असतील तर दर १० ते १२ आठवड्यांनी केसांना ट्रिम करा.
जर तुम्ही केसांना रंग लावला असेल किंवा उन्हाळ्यात उष्णतेचा त्रास होत असेल तर ६ ते ८ आठवड्यांनी केस ट्रिम करा.
तुमचे केस लहान असतील आणि तुम्ही कोणता हेअरकट केला असेल तर तिचा आकार टिकवून ठेवण्यासाठी तुम्ही ४ ते ६ आठवड्यांनी केस कापा.