Shruti Vilas Kadam
कृत्रिम सुगंध, रंग आणि हानिकारक रसायने असलेले हेअर ऑइल टाळा. अशा तेलांमुळे टाळूला खाज, जळजळ किंवा अॅलर्जी होऊ शकते.
फक्त मिनरल ऑइलवर आधारित तेल टाळणे चांगले. हे तेल केसांना तात्पुरती चमक देते, मात्र त्यातून केसांना आवश्यक पोषण मिळत नाही.
प्रत्येकाची टाळू वेगळी असते. एखादे तेल वापरल्यानंतर खाज, पुरळ किंवा जास्त केसगळती होत असेल तर ते त्वरित बंद करा.
एक्सपायरी डेट संपलेले किंवा वास बदललेले तेल वापरू नका. अशा तेलांमुळे टाळूचे नुकसान होण्याचा धोका वाढतो.
अति तेल लावल्याने धूळ, घाण आणि अतिरिक्त तेल टाळूवर साचू शकते. त्यामुळे कोंडा, खाज आणि केस गळण्याची समस्या वाढू शकते.
कोरड्या केसांसाठी नारळ किंवा बदामाचे तेल, तर कमकुवत केसांसाठी भृंगराज, आवळा किंवा रोझमेरीयुक्त तेल तज्ज्ञांच्या सल्ल्याने वापरू शकता.
सतत केसगळती, टाळूवर जखमा, तीव्र कोंडा किंवा इतर समस्या असल्यास स्वतःहून नवीन तेल वापरण्याऐवजी त्वचारोगतज्ज्ञांचा सल्ला घ्या. योग्य उपचारांमुळे केसांचे आरोग्य सुधारण्यास मदत होते.