Manasvi Choudhary
थालीपीठ हा हेल्दी आणि टेस्टी नाश्ता आहे. ज्वारी, बाजरी किंवा भाजणीचे थालीपीठचे प्रकार बनवले जाते. पण तुम्ही कधी हिरव्या वटाण्याचे थीलीपीठ खाल्ले आहे का?
हिरव्या वटाण्याचे थालीपीठ घरी बनवण्याची रेसिपी अत्यंत सोपी आहे. तुम्ही घरीच सोप्या पद्धतीने ही रेसिपी बनवू शकता.
थालीपीठ बनवण्यासाठी हिरवे वटाणे, गव्हाचे पीठ, ज्वारी, बाजरीचे पीठ, बेसन, आलं- लसूण पेस्ट, कांदा, कोथिंबीर, जिरे, ओवा, पांढरे तीळ, हळद , हिंग, तेल हे साहित्य घ्या.
सर्वातआधी हिरवे वाटाणे स्वच्छ धुवून घ्या. मिक्सरच्या भांड्यात हिरवे वाटाणे, हिरवी मिरची आणि जिरे याची पेस्ट करा. या मिश्रणात पाणी मिक्स करू नका.
एका मोठ्या परातीमध्ये गव्हाचे पीठ, ज्वारीचे, बाजरीचे पीठ आणि बेसन एकत्र मिक्स करा. त्यानंतर त्यात वाटलेले हिरव्या वाटाण्याचे मिश्रण टाका.
नंतर या मिश्रणात बारीक चिरलेला कांदा, आले-लसूण पेस्ट, ओवा, पांढरे तीळ, हळद, हिंग, कोथिंबीर आणि चवीनुसार मीठ घाला. सर्व साहित्य चांगले एकत्र करून घ्या.
मिश्रणात थोडे पाणी मिक्स करून पीठ मऊ मळून घ्या पीठ मळल्यानंतर ५ मिनिटे बाजूला ठेवा.
त्यानंतर एका प्लास्टिक पिशवीवर किंवा सुती रूमालावर चपातीप्रमाणे पिठाचा गोळा घ्या. त्यावर थोडे तेल किंवा पाणी लावा. पिठाचा गोळा हाताने थापून किंवा गोल फिरवून मध्यम जाडीचे थालीपीठ थापा.
तयार करा. थालीपीठाच्या मध्यभागी बोटाने लहान छिद्र पाडा आणि गॅसवर गरम तव्यावर तेल किंवा तूपामध्ये थालीपीठ भाजून घ्या.