Shruti Vilas Kadam
सर्वप्रथम फुलकोबी स्वच्छ धुऊन मध्यम आकाराचे तुकडे करून घ्या. गरम पाण्यात थोडे मीठ घालून फुलकोबी काही मिनिटे ठेवली तर ती स्वच्छ होण्यास मदत होते.
एका भांड्यात मैदा, कॉर्नफ्लोअर, मीठ, लाल तिखट आणि थोडी मिरीपूड घ्या. त्यात पाणी घालून मध्यम घट्टसर बॅटर तयार करा.
तयार बॅटरमध्ये फुलकोबीचे तुकडे घाला आणि प्रत्येक तुकड्याला बॅटर व्यवस्थित लागेल याची काळजी घ्या.
कढईत तेल गरम करून त्यात बॅटरमध्ये घोळवलेले फुलकोबीचे तुकडे सोडा. ते सोनेरी आणि कुरकुरीत होईपर्यंत मध्यम आचेवर तळून घ्या.
दुसऱ्या कढईत थोडे तेल गरम करून त्यात बारीक चिरलेला लसूण, आले, कांदा आणि शिमला मिरची परता. त्यात सोया सॉस, चिली सॉस, टोमॅटो सॉस आणि थोडे व्हिनेगर घाला.
तयार सॉसमध्ये तळलेले गोबीचे तुकडे घाला आणि मोठ्या आचेवर काही मिनिटे झटपट परता. सर्व तुकड्यांना सॉस व्यवस्थित लागला की गॅस बंद करा.
तयार गोबी मंचुरियनवर बारीक चिरलेली स्प्रिंग ओनियन किंवा कोथिंबीर घाला. कुरकुरीत चव टिकवण्यासाठी ते लगेच गरमागरम सर्व्ह करा.