Shreya Maskar
घुघनी हा प्रसिद्ध बंगाली खाद्यपदार्थ आहे. जो काळ्या किंवा पांढऱ्या वाटाण्यांपासून बनवला जातो.
घुघनी बनवण्यासाठी पांढरे वाटाणे, कांदा, हिरव्या मिरच्या, आले-लसूण पेस्ट, हळद, लाल तिखट, गरम मसाला, जिरे, मोहरी, कोथिंबीर, तेल, मीठ आणि लिंबू इत्यादी साहित्य लागते.
घुघनी बनवण्यासाठी सर्वप्रथम भिजवलेले पांढरे वाटाणे शिजवून घ्या.
पॅनमध्ये तेल गरम करून त्यात मोहरी आणि जिरे टाका.
त्यानंतर यात चिरलेला कांदा, हिरवी मिरची टाकून परतून घ्या.
पुढे या मिश्रणात आले-लसूण पेस्ट, हळद, लाल तिखट आणि गरम मसाला टाका.
मिश्रणात शिजवलेले पांढरे वाटाणे आणि मीठ टाकून चांगले मिक्स करा.
शेवटी घुघनीवर बारीक चिरलेली कोथिंबीर टाकून लिंबू पिळा.
यात तुम्ही आवडीनुसार टोमॅटो देखील टाकू शकता.