Shreya Maskar
मुलांना शाळेच्या डब्यात पौष्टिक भाज्या खाऊ घाला. घेवड्याची भाजी सकाळच्या घाईगडबडीत झटपट बनवता येईल.
घेवड्याची भाजी बनवण्यासाठी घेवडा, मोहरी, जिरे, शेंगदाणे, हिंग, तेल, ओवा, हिरवी मिरची, लाल तिखट, बटाटा, कोथिंबीर, गूळ मीठ, हळद, धणे पूड इत्यादी साहित्य लागते.
घेवड्याची भाजी बनवण्यासाठी घेवड्याची भाजी स्वच्छ धुवून शेंगा मोडून घ्या. त्यानंतर त्या मध्यम आकारात कापा. त्यातील बिया आरोग्यासाठी खूप फायदेशीर असतात.
एकीकडे बटाटा सोलून त्याचे लहान तुकडे करून घ्या. दुसरीकडे शेंगदाणे सोलून पातेल्यात मीठ टाकून उकडून घ्या. तसेच कोथिंबीर, हिरव्या मिरची कापून घ्या.
पॅनमध्ये तेल गरम करून त्यात जिरे, मोहरी, ओवा, हिंग, हिरवी मिरची, बटाट्याचे तुकडे घालून परतून घ्या. गॅस मंद आचेवर ठेवा.
बटाटा शिजल्यावर त्यात घेवड्याची भाजी टाका. भाजीवर झाकण ठेवून एक वाफ काढून घ्या. त्यात मीठ, हळद, लाल तिखट मिक्स करा.
घेवड्याच्या भाजीत तुम्ही थोडा गूळ घाला. जेणेकरून चव आणखी वाढेल. त्यानंतर यात उकडलेले शेंगदाणे, कोथिंबीर घालून मिक्स करा.
तुम्ही गरमागरम भातासोबत घेवड्याची भाजीचा आस्वाद घ्या. ही रेसिपी थंडीत आवर्जून बनवा. ही खूप पौष्टिक भाजी आहे.