Shruti Vilas Kadam
घावण्यासाठी तांदळाचे पीठ, पाणी, मीठ आणि थोडे तेल घ्या. चटणीसाठी ताजा नारळ, हिरव्या मिरच्या, लसूण, कोथिंबीर, मीठ आणि थोडा लिंबाचा रस तयार ठेवा.
तांदळाच्या पिठात पाणी आणि मीठ घालून पातळ, गाठी नसलेले पीठ तयार करा. 15 ते 20 मिनिटे झाकून ठेवले तर घावणे अधिक मऊ होतात.
तवा गरम करून त्यावर पातळसर पीठ गोलाकार फिरवत पसरवा. झाकण ठेवून एकाच बाजूने शिजवा. घावणे जाळीदार आणि मऊ तयार होतात.
मिक्सरमध्ये ताजा नारळ, हिरव्या मिरच्या, लसूण, कोथिंबीर, मीठ आणि थोडे पाणी घालून बारीक वाटून घ्या. शेवटी लिंबाचा रस घालून चव वाढवा.
तेलात मोहरी, कढीपत्ता आणि हिंगाची फोडणी करून ती चटणीवर घातल्यास चव अधिक खुलते.
गरम घावणे नारळाच्या चटणीसोबत सर्व्ह करा. इच्छेनुसार गूळ, लोणी किंवा तूप घालूनही याचा आस्वाद घेऊ शकता.
पीठ जास्त घट्ट किंवा खूप पातळ नसावे. तवा योग्य तापमानाचा असावा आणि प्रत्येक घावण्यापूर्वी पीठ हलवून घ्यावे, म्हणजे जाळीदार घावणे तयार होतात.