Shreya Maskar
सातारा जिल्ह्यातील कोयना परिसरातील घाटमाथा येथे, कुंभार्ली घाटाजवळ घाटमाथा धबधबा वसलेला आहे. हा धबधबा पावसाळ्यात खूपच सुंदर दिसतो.
घाटमाथा धबधबा हा एक हंगामी धबधबा असून जो हिरव्यागार डोंगरांच्या दृश्यांसाठी, पावसाळ्यातील धुक्याच्या वातावरणासाठी प्रसिद्ध आहे.
घाटमाथा धबधबा महाराष्ट्रातील सातारा आणि रत्नागिरी जिल्ह्यांना जोडणाऱ्या कुंभार्ली घाटावर स्थित आहे. तुम्ही येथे फोटोशूटचा देखील भन्नाट आनंद घेऊ शकता.
मुसळधार पावसामुळे येथे पाण्याचा प्रवाह प्रचंड असतो. दाट धुके, खाली उतरलेले ढग आणि पश्चिम घाटातील हिरव्यागार दऱ्यांचा सुंदर नजारा पाहायला मिळतो.
पावसाळ्यात आणि हिवाळ्यात येथे नक्की भेट द्या. येथे आजूबाजूला खाण्यापिण्यासाठी छोटे छोटे स्टॉल आहेत. यात गरमागरम चहा, भाजलेला मका मिळतो.
घाटमाथा धबधब्याजवळ कोयना धरणाचा जलाशय (बॅकवॉटर), नेहरू उद्यान आणि चाळकेवाडी येथील पवनचक्की पठार ही ठिकाणे आहेत.
मुंबईहून साताऱ्यापर्यंत ट्रेनने प्रवास करा. पुढे स्टेशनपासून रिक्षाने प्रवास करून तुम्ही घाटमाथा धबधब्याला पोहचा.
वरील माहितीचा उद्देश केवळ पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही वादाशी किंवा दाव्याशी आमचा संबंध नाही.