Manasvi Choudhary
बटाटा भाजी हा अनेकांचा आवडता पदार्थ आहे. कोणती भाजी नसली की महिला सोपी अशी बटाटा भाजी बनवतात.
बटाटा भाजी बनवण्याची पद्धत सोपी आहे. झटपट होणारी बटाटा भाजी लहानांपासून मोठ्यापर्यंत सर्वांनाच आवडते. यानुसार बटाट्याचा लाल तिखट झणझणीत रस्सा कसा बनवायचा ही रेसिपी आज पाहूया.
बटाट्याची रस्सा भाजी बनवण्यासाठी बटाटे, सुखं खोबरे, लसूण, कोथिंबीर, तेल, मोहरी, जिरे, हिंग ,कढीपत्ता, कांदा, लाल मसाला, हळद, कांदा, मीठ हे साहित्य एकत्र करा.
सर्वात पहिले बटाट्याचा रस्सा बनवण्यासाठी बटाटे स्वच्छ धुवून ते चौकोनी कापा. मिक्सरच्या भांड्यामध्ये किसलेले सुखं खोबरे, लसूण पाकळ्या, कोथिंबीर यांची एकत्र पेस्ट करा.
गॅसवर कढईमध्ये गरम तेलामध्ये मोहरी,जिरे, हिंग, कढीपत्ता आणि कोथिंबीर पेस्ट चांगली परतून घ्या. त्यानंतर या मिश्रणात कापलेला कांदा परतून घ्या.
या संपूर्ण मिश्रणात लाल मसाला, हळद, मीठ घाला आणि बटाटे मिक्स करा. २ ते ३ मिनिटे साधारण झाकण ठेवून भाजी शिजवून घ्या नंतर यामध्ये थोडेसे पाणी घाला. भाजी शिजल्यानंतर त्यात कोथिंबीर घाला आणि सर्व्हसाठी तयार करा.