Shreya Maskar
तुम्हाला काहीतरी गावरान खावंसं वाटत असेल तर गवार-भोपळ्याची भाजी बनवा. ही कोकणी रेसिपी चवीला खूपच भारी लागते.
गवार-भोपळ्याची भाजी बनवण्यासाठी भोपळा, गवार , मोहरी , मेथी दाणे, हळद, पाणी, मीठ, लाल मिरची पावडर, गूळ , गोडा मसाला , ओले खोबरे इत्यादी साहित्य लागते. तुम्ही यात शेंगदाण्याचा कूट देखील टाकू शकता.
गवार-भोपळ्याची भाजी बनवण्यासाठी सर्वप्रथम भोपळा धुवून त्याची साल काढून छोटे तुकडे करा. त्यानंतर गवार धुवून बारीक तोडून घ्या.
एका पॅनमध्ये तेल, मोहरी, मेथी दाणे, हिंग, हळद आणि बारीक गवार टाकून परतून घ्या. वाफेवर भाजी चांगली शिजते.
गवार चांगली तेलावर शिजली की यात भोपळ्याचे तुकडे घालून पाणी शिंपडा. तुम्ही भोपळ्याचे तुकडे आधी कुकरला देखील लावू शकता.
गवार-भोपळ्याची भाजी चांगली परतवून घ्या. त्यानंतर भाजीची चव वाढवण्यासाठी यात शेंगदाण्याचा कूट देखील टाका. शेंगदाण्यांमुळे भाजीची चव आणखी वाढते.
त्यानंतर यात मीठ, गूळ, लाल तिखट, गोडा मसाला घालून परतवून घ्या. जेणेकरून भाजीला चांगला मसाला लागेल.
शेवटी वरून ओले खोबरे घालून गरमागरम तांदळाच्या भाकरीसोबत गवार-भोपळ्याच्या भाजीचा आस्वाद घ्या. तुम्ही सकाळच्या टिफिनला देखील ही रेसिपी बनवू शकता.